Spennandi tímar framundan hjá mömmur.is. Hvað ætli sé í vændum?

Þessi saumavélakaka er ein sú flóknasta sem við höfum tekið okkur fyrir hendur. Við erum mjög ánægðar með útkomuna.

Ert þú kannski saumakona??

Fyrirmyndin var PFAFF saumavél sem við eigum og til að fá rétt hlutföll var hún mæld í bak og fyrir. Já,  kökugerðalist er hellings stærðfræði.

Kakan var gerð í 4 bútum og sett saman með sérstökum bakka sem við létum gera fyrir okkur. Þykkir trékökupinnar halda kökunni uppi.

Saumavélin er hjúpuð með hvítum sykurmassa sem síðan er spreyjaður með perluspreyi.

Allir aukahlutir eru gerðir með gumpaste en það er massi sem harðnar fyrr en venjulegur sykurmassi. Hlutirnir eru litaðir með perludufti

Það er mjög erfitt að setja sykurmassa utan um köku sem þessa.  Það þurfti því að klippa hornin til að fá sykurmassan sléttari.  Kemur oft betur út en að reyna að jafna hann út.

Þykkir kökutrépinnar koma oft að góðum notum til að halda kökunum föstum saman.

Munstrið er málað með perlumálningu, algjör snilld, hægt að mála beint úr dósinni.  Silfurlitaðar perlur notaðar fyrir takkana.

Mjög gott að skipuleggja sig og undirbúa alla aukahluti en þeir eru límdir með sykurmassalími.

Hlutirnir eru margir hverjir skornir með fíngerðum sykurmassaskera.

Bottom, hnappa sílikonmótablóm notuð til að búa til blómatölurnar. Hlutirnir eru litaðir með perludufti.

Hlutirnir eru gerðir úr gumpaste eða sykurmassa sem búið er að bæta tylose í gott að láta standa yfir nótt.

Þetta er nú ekki ekta saumavél nema hafa vörunúmerið með. Stafirnir eru skrifaðir með matartússpenna.

Alltaf gaman að persónugera kökuna með nafni eða öðru skemmtilegu.

Vorum ótrúlega stoltar af þessari elsku!

Finnst Rice Krispiesblanda  alltaf jafn góð. Ákvað að breyta til og bæta mars súkkulaði saman við blönduna.

Þið ættuð prófa þessa hún er guðdómlega góð

Uppskrift:

350 g 56 % Nóa Síríus súkkulaði

150 g Mars súkkulaðistykki

425 g síróp

150 g smjör

280 g Rice Krispies

Aðferð:

Allt nema Rice Krispies sett saman í pott, hitað þar til allt er bráðið. Að lokum er Rice Krispieskornin sett saman við og blandan hrærð saman við.

Hræran er sett í smurð mót og kæld

Fylling:

1/2 líter þeyttur rjómi

2 stk bananar

Karamella (heimatilbúin eða tilbúin):

Uppskrift af heimagerðri karamellu er: 100 g púðursykur, 25 g smjör og 2 dl rjómi: Sett í pott og hitað að suðu. Látið sjóða í ca. 2 mínútur. Hræra vel í á meðan.

Aðferð:

Rjóminn er þeyttur. bananarnir skornir í bita og karamellan gerð klár. Bananabitar eru settir ofan á botninn, Rjómablandan er sett á milli botnanna, karamellan á milli og bananarnir settir ofan á í lokinn. Efri botninn er settur ofan á og kakan síðan skreytt að vild.

Áhöld sem eru notuð: Sólblómskerar, fiðrildasílikonmót, blómasílikonmót, tilbúinn sykuramssi, wilton bökunarmót, glimmer

Erfitt að standast þetta…

Elska þessi mót, bjóða upp á svo mikla möguleika!

Æðislegir sumarlitir og smá glimmer í miðjuna toppar skreytinguna.

Alltaf svo gaman að fá krefjandi verkefni og gera kökur sem  eiga sér fáar líkar.

Badmintonspaði og taska er eitthvað sem er tilvalið fyrir þá sem æfa þessa íþrótt.

Kökurnar eru tvær og gerðar í sinn hvoru laginu.  Fyrirmyndin var ekta Badmintonspaði en þegar maður ætlar að gera köku sem á að vera sem raunverulegust er best að hafa raunverulega hluti við hliðina á sér. Þannig er hægt að mæla hlutinn, stækka og minnka hlutföll o.s.frv.

Taskan teiknuð á smjörpappír, formið síðapn notað til að skera kökuna út.

Perluduft gerir kökuna svo flotta, sama árangri má ná með perluspreyi og perlumálningu.

Rauður sykurmassi er rúllaður upp í lengjur og límdur með sykurmassalími.

Rennilásinn  og töskuólin eru búin til með sykurmassahjólinu.

Þá er það sjálfur spaðinn

Þá er það spaðinn sjálfur. Hér er smjörpappírsmótið

Renndurnar á spaðann eru gerðar með því að fletja út hvítan massa og síðan eru örfínir renningar skornir með sykurmassaskera eða pítsaskera.

Bilin voru mæld með reglustiku til að þetta liti sem jafnast út. Renningarnir eru festir með sykurmassalími.

Hvítt matarlitaduft bleytt í isopropanal var notað  til að mála stafina og merkið, nauðsynlegt að vera með örfínan pensil.

Alltaf svo gaman að gera fígúrur en það gerir kökurnar svo persónulegar og tengir við þann sem á að fá hana. Þessi fígúra er gerð með andlitssílikonmóti, tilbúnum fígúru sykurmassa og máluð með matarlitatússlit.

Ekki má gleyma kúlunni…

Ekkert smá ánægð með kökuna!

Yndislegar svona litlar kökur, eitthvað svo fágaðar og flottar!

Í dag er vinsælt að bera fram litlar kökur eða mini cakes, eins og þær kallast erlendis, í fínum veislum.  Þær eru  sérstaklega vinsælar í brúðkaupum en það kemur  vel út að hver og einn gestur fái sína köku.

Súkkulaðisbotn og vanillubotn með jarðarberjasultu og kremi á milli getur ekki klikkað. Þessar verður þú að prófa!

Botnarnir og kremið tilbúð og þá er ekki seinna vænna en að byrja að skreyta.

Mér finnst Swirl munsturmottan alltaf koma svo vel út en ég notaði hana einmitt til að gera munstur á massann.

Þessi perlumálning er svo sannarlega að gera sig og hægt að nota á svo margan máta.

Sílikonmótaborðarnir eru algjör snilld, fást í mörgum stærðum og gerðum.

Voðalega hrifin af blómaskrauti, valdi fallegt blóm úr þessu frábæra sílikonmóti. 

Gult stardust glimmer í miðjuna og blómið er fullkomnað.

Krúttleg kanína er eitthvað sem minnir okkur á páskana!

Kakan er gerð úr 1 ofnskúffu af súkkulaðiköku, botninn er  skorinn í tvennt, botninum staflað  með því að setja smjörkrem á milli. Til að fá kanínulag er kakan skorin til.

Kakan er þakin með tvöfaldri uppskrift af hvítum sykurmassa en til að fá fallegan ljóma á köuna var perludufti burstað yfir hana. Perluduftið gefur massanum eins og nafnið gefur til kynna  fallega perluáferð.

Kakan er skreytt með brúnum, svörtum og bleikum sykurmassa en þessa liti er hægt að gera eftir á með því að nota afganginn af hvíta sykurmassanum og lita hann. Best að hita hvíta bútinn örlítið til að auðvelda litunina. Ég mæli með að fólk noti einnota hanska þegar verið er að lita massa þar sem erfitt getur verið að ná honum af höndunum.

Grasið er gert með því að fletja út hvíta sykurmassalengju sem síðar er skorin eins og gras með sykurmassaskera. Grasið er litað með grænu perluspreyi en einnig hægt að lita bútinn með grænum matarlit.

Eyrun ásamt skrautinu sem er sett á kökuna er fest með sykurmassalími.

Lime grænum kristalsykri er sáldrað á bakkann til að fá skemmtilegra útlit.

Hér voru notuð skæri og klippt mörgum sinnum í kúlu. Fest með tannstöngli og sykurmassalími