Pítsasnúðar hitta alltaf í mark við hvaða tilefni sem er

Þar sem aðstoðarbakari mömmur.is vildi ólmur fá að taka þátt í bakstrinum þá var ákvaðið að draga fram Stóru köku og brauðbók Disney og velja hentuga uppskrift fyrir yngri kynslóðina.

(myndin er fengin af vefsíðunni: edda.is )

Í bókinni er fullt af girnilegum uppskriftum sem ég mæli með að fólk prófi sig áfram með og skemmtilegast er að hafa krakkana með í ferlinu.

Æðisleg uppskrift sem allir ættu að geta framkvæmt:

Pítsusnúðar Grænjaxlanna varð fyrir valinu (bættum þó Oregano við hana)

Hráefni:

1/2 l mjólk

100 g smjör

1 msk þurrger

60 g sykur

800 g hveiti

1 msk salt

1/2 tsk oregano (Pottagaldrar í uppáhaldi)

Aðferð:

Hitið saman mjólk og smjör þar til það nær um 37 gráða hita.  Hellið í stóra skál og sáldrið gerinu út í. Blandan látin bíða í smá stund. Oregano er sáldrað yfir vökvann og síðan er öllu öðru hráefni  bætt saman við og blandan hnoðuð vel. Deigið er sett í skál og látið lyfta sér í ca. 40 mínútur. Þegar deigið hefur tvöfaldast er það tekið úr skálinni, flatt út og fyllingin sett á deigið. Snúðarnir eru látnir lyfta sér í 30 mínútur en síðan bakaðir í ca. 20 mínútur við 200 gráða hita.

Fylling: (hver og einn velur það sem hann vill hafa á sínum snúðum) 

Pítsasósa

Skinka

Ostur

Spennandi verkefni framundan. Mjólkin og smjörið hitað og þurrefnin gerð tilbúin.

Best að fara með skálina á hlýjan og góðan stað…

Deigið búið að lyfta sér vel

Marengs er það skemmtilegasta og besta sem ég geri og þessi hún TROMPAR allt
Uppskrift:

8 eggjahvítur (við stofuhita)

400 g Dan Sukker sykur

1 1/2 tsk lyftiduft

Rautt matarduft

Aðferð:

Eggjahvítur þeyttar, sykri bætt smám saman saman við og blandan stífþeytt.  Lyftidufti ásamt matarlitadufti bætt út í og hrært varlega. Annar botninn er búinn til með því að sprauta blöndunni  með sprautustútnum 1 M frá Wilton á bökunarpappír. Hinn botninn er venjulegur.  Bakað við blástur við 130 gráða hita í 1 1/2 klst.

Fylling (þessi er svo fersk) 

1/2 l þeyttur rjómi

1 poki TROMP (Nammi)

1 askja jarðarber (val hvers og eins hversu mikið)

1 dós niðursoðinn ananas ( í bitum, síðan skorið í mun minni bita)

Aðferð:

Þeyttur rjómi, jarðarberjum, ananas og trompbitum blandað saman við.  Blandan er síðan  sett ofan á botninn.

Súkkulaðirjómi ofan á:

Það er rosa gott að búa til súkkulaðirjóma sem síðan er hægt að setja yfir kökuna.

2 stk Marssúkkulaði

60 g 56 % Nóa Síríus súkkulaði

Rjómi þar til blandan er orðin þykk

Aðferð:

Súkkulaðið brætt yfir vatnsbaði. Rjóma blandað saman við þar til súkkulaðið verður hæfilega þykkt.

Það var aldrei svo að ég prufaði ekki að búa til eggjalausar múffur.
Það er lítið mál að gera eggjalausar veitingar þegar maður á natural egg replacer. Keypti þessa snilld í Hagkaupum á dögunum en þetta virkar þannig að 1 tsk af duftinu út í 2 msk af vatni gidlir sem 1 egg. Í pakkanum fæst sem samsvarar 66 eggjum. Frábært fyrir fólk með eggjaofnæmi svo ég tala nú ekki um þá sem þjást af of háu kólesteróli.

Uppskrift ca. 22 múffur Notaði uppáhaldsuppskriftina mína og skipti eggjum út fyrir þessari snilld.

235 g  Kornax hveiti

2 tsk lyftiduft

125 g ósaltað smjör eða 1 dl olía

1/2 tsk salt

250 g DanSukker sykur

1 tsk vanilludropar

1 tsk egg replacer duft út í 2 msk vatn

180 ml  mjólk við stofuhita

Aðferð:

Ofninn hitaður í 175°

1.    Hveiti, lyftiduft og salt sett í skál og sett til hliðar.
2.    Smjör, sykur og vanilludropar sett í hrærivélaskál og hrært á meðalhraða í 3 mín. eða þar til deigið er létt og ljóst.
3.    Eggjaduftsblandan sett út í  og hrært.  Hveitiblandan sett  varlega saman við deigið og að lokum mjólkin. Blandið vel en varlega saman.
4.    Fyllið bréfformin c.a ½ ef kakan á að vera slétt við brún og ¾ ef það á að fara upp fyrir brún á mótinu. Bréfformin sett  í bökunarmót svo kökurnar haldi sér betur.
5.    Bakað í 17 – 20 mín. (Undir og yfirhiti).
6.    Látið kólna í bökunarmótinu í 5 mín og  taka þau síðan úr og látið kólna áfram á bakka.

Krem:

Uppskrift:

3/4 bolli smjör (linað við stofuhita)
3 1/4 bolli DanSukker flórsykur
2 msk rjómi
2 tsk vanilludropar
1/8 tsk salt
Aðferð:
Linað smjör, flórsykur, rjómi og salt hrært vel saman í 3
mín. Hægt að nota aðrar bragðtegundir og skipta út fyrir vanilludropana. Gott
að nota kremið sem fyrst.

Bollakökurnar eru bakaðar í fiðrilda hágæða formum en þau halda sér mjög vel í bakstri. Kökurnar eru skreyttar með þessum fiðrildamótum

Fiðrildin eru máluð með perlumálningu og perludufti

Spennandi tímar framundan hjá mömmur.is. Hvað ætli sé í vændum?

Finnst svo ótrúlega sniðugt að gera litlar bollakökur í veisluna. Henta eitthvað svo vel sem einn munnbiti.

Marglitar Sixlet súkkulaðikúlur toppa skreytinguna!

Hvernig væri að prófa?

Þessi saumavélakaka er ein sú flóknasta sem við höfum tekið okkur fyrir hendur. Við erum mjög ánægðar með útkomuna.

Ert þú kannski saumakona??

Fyrirmyndin var PFAFF saumavél sem við eigum og til að fá rétt hlutföll var hún mæld í bak og fyrir. Já,  kökugerðalist er hellings stærðfræði.

Kakan var gerð í 4 bútum og sett saman með sérstökum bakka sem við létum gera fyrir okkur. Þykkir trékökupinnar halda kökunni uppi.

Saumavélin er hjúpuð með hvítum sykurmassa sem síðan er spreyjaður með perluspreyi.

Allir aukahlutir eru gerðir með gumpaste en það er massi sem harðnar fyrr en venjulegur sykurmassi. Hlutirnir eru litaðir með perludufti

Það er mjög erfitt að setja sykurmassa utan um köku sem þessa.  Það þurfti því að klippa hornin til að fá sykurmassan sléttari.  Kemur oft betur út en að reyna að jafna hann út.

Þykkir kökutrépinnar koma oft að góðum notum til að halda kökunum föstum saman.

Munstrið er málað með perlumálningu, algjör snilld, hægt að mála beint úr dósinni.  Silfurlitaðar perlur notaðar fyrir takkana.

Mjög gott að skipuleggja sig og undirbúa alla aukahluti en þeir eru límdir með sykurmassalími.

Hlutirnir eru margir hverjir skornir með fíngerðum sykurmassaskera.

Bottom, hnappa sílikonmótablóm notuð til að búa til blómatölurnar. Hlutirnir eru litaðir með perludufti.

Hlutirnir eru gerðir úr gumpaste eða sykurmassa sem búið er að bæta tylose í gott að láta standa yfir nótt.

Þetta er nú ekki ekta saumavél nema hafa vörunúmerið með. Stafirnir eru skrifaðir með matartússpenna.

Alltaf gaman að persónugera kökuna með nafni eða öðru skemmtilegu.

Vorum ótrúlega stoltar af þessari elsku!