Guðdómlegar smákökur

Þetta súkkulaðibitadeig var algjör draumur. Súkkulaðibitakökurnar urðu svo fullkomnar. Þær eru mjúkar en brúnirnar stökkar. 

Uppskrift (20-22 stk)

275 g  hveiti

1 tsk matarsódi

225 g smjör

50 g sykur

170 g púðursykur

1-2 tsk vanilludropar

1 pk royal vanillubúðingur

2 stór egg – við stofuhita

Súkkulaðidropar eins og hentar

Aðferð:

1. Hveiti og matarsóda er blandað saman í skál og sett til hliðar.

2. Linað smjör, sykur, púðursykur og vanilludropar er blandað saman og hrært í hrærivél.

3. Vanillubúðingsdufti er blandað saman við og síðan eitt og eitt egg. Gott að hræra aðeins á milli.

4. Að lokum er hveitiblöndunni ásamt súkkulaðinu blandað saman við.

5. Mótaðu kúlur úr deiginu. Gott að miða við að hver kúla sé um 60 g.

6. Settu á bökunarpappír og nokkra súkkulaðidropa á hverja.

7. Bakað við 175 gráður blástur  í ca. 10-12 mínútur.

Endilega fylgið mér á Instagram þar er ég dugleg að setja inn efni á InstaStory.