Sumarleg og skverleg. Bragðið er algjör unaður. Þessi réttur er algjör hintari í næsta tilefni. Í stærri veislur er sjarmur yfir rjómatertu í glasi. Ég er að segja ykkur það, þetta er málið. Mæli með að þið prófað.

Toblerone peruterta í glasi

Created by Hjördís Dögg Grímarsdóttir on May 1, 2018

Toblerone terta í glasi

Ingredients

Svampbotn

6 stk egg
260 g sykur
100 g hveiti
100 g kartöflumjöl
2 stk lyftiduft

Marengsbotn

6 stk eggjahvítur
320 g sykur
1 1/2 tsk lyftiduft

Tobleronekrem

4 stk eggjarauður
100 g flórsykur
1 l rjómi - þeyttur
350 g Toblerone - brætt

Fylling

1 l þeyttur rjómi
1 stk perudós - stór
10 stk Oreokex -mulin

Instructions

Svampbotn

Sykur og egg eru þeytt saman. Hveiti, lyftidufti og kartöflumjöli blandað saman við og hrært vel. Deigið er sett í ofnskúffumót og bakað við 175°C hita í um 18-20 mínútur. Svampbotninn er skorinn út í litla hringi.

Marengsbotn

Eggjahvítur og sykur er stífþeytt. Lyftidufti blandað varlega saman við. Blandan er sett í sprautupoka og litlum rósum sprautað á bökunarpappír. Bakað við 130°C hita í um 1 1/2 klst.

Tobleronekrem

Eggjarauður og flórsykur þeytt vel saman. Bræddu toblerone blandað varlega saman við. Rjóminn er þeyttur og tobleroneblöndunni hrært saman við, varlega.

Samsetning í glösin

Ég keypti Duna plastglös en mér fannst þau henta fullkomlega fyrir réttinn. Svambotnshringirnir eru settir í botninn. Perusafa hellt yfir og perubitnum sáldrað yfir. Þeytti rjóminn kemur síðan yfir og marengsrósin er síðan sett ofan á. Efst er Tobleronekreminu sprautað eins og rós yfir marengsinn. Kemur vel út að sáldra muldu Oreo yfir rósina.

Sjáið hvað glasaréttir koma vel út á fallegum standi. Hér er búið að blanda saman jarðarberjatertu í glasi og Tobleronetertu í glasi.