Bolludagurinn er einn af mínum uppáhaldsdögum. Bæði er það baksturinn sem heillar mig en einnig finnst mér bollurnar gómsætar.

Mörgum finnst vandasamt að baka vatnsdeigsbollur en ef réttri aðferð er fylgt þá eiga þær að heppnast. Það er vel hægt að leika sér með rjómafyllinguna og það sem sett er ofan á bollurnar en í ár þá prófaði ég að gera bingókúlusósu sem kom líka svona vel út með bollunum. Ég mæli með þessri uppskrift, hún er þekkt fyrir að heppnast vel.

Finnst þessi skál algjört æði en hún er frá versluninni Bast í Kringlunni.

Vatnsdeigsbollur með bingókúlusósu

Created by Hjördís Dögg Grímarsdóttir on March 3, 2019

Prep Time: 40m
Cook Time: 25m
Total Time: 1h 5m

Serves: 20
Yield: 20 bollur

Ingredients

Uppskrift fyrir ca. 25 stk

400 ml vatn
160 gr smjör
200 gr hveiti
1/4 tsk salt
5 stk egg

Fylling

1/2 l rjómi frá Gott í matinn – þeyttur
Jarðarberjasulta
Kókósbollur

BIngókúlusósa

1 poki bingókúlur
30 ml rjómi frá Gott í matinn

Skraut

Lakkrískurl
Kókósbolla

Instructions

Aðferð:

Hitið vatn og smjör saman í potti að suðu (gott að bræða smjörið örlítið áður en vatnið er sett út í) bætið þá hveiti og salti saman við og slökkvið á hellunni.
Hrærið með sleif þar til deigið verður slétt og fellt.
Blandan er sett í hrærivélaskál og hrærð með þeytara þar til hún kólnar að mestu.
Eggin eru sett út í, eitt og eitt í einu og hrært vel í á milli. Hrært þar til hræran verður jöfn og góð.
Deigið er sett á bökunarpappír (á bökunarplötu) með t.d. matskeið. Mikilvægt að hafa gott bil á milli.
Bollurnar eru bakaðar við 200°C í 25 mín við blástur.. Það má ekki opna ofninn meðan á bakstri stendur. Passið að hafa nægilegt bil á milli svo bollurnar geti blásið út.
Sulta, þeyttur rjómi og ferskir ávextir henta vel á milli. Kókósbollur koma einnig mjög vel út með rjómanum.
Bingókúlurnar eru bræddar í potti með rjómanum. Bingókúlusósunni er síðan hellt á milli sem og ofan á bollurnar.
Bollurnar eru skreyttar með lakkrískurli og kókósbollu.

Fallegt að bera bollurnar í þessari fallegu bleiku skál en hana fékk ég í samstarfi við verslunina Bast. Plattinn sem tilbúnu bollurnar eru á fékk ég hjá fyrirtækinu Orgus.