Þessi eplakaka stendur fyrir sínu. Skellti í þessa þegar eplin í ávaxtakörfunni minni kölluðu á mig. Yndisleg, fersk og svo góð með rjóma.
Uppskrift:
80 g pekanhentur – muldar og settar í botninn á bökunarmóti
375 g hveiti (taka ca. tvær msk til hliðar)
400 g sykur (taka 50 g til hliðar)
2 tsk kanill
4 epli – skræld og skorin í sneiðar
1 msk lyftiduft
1 tsk salt
4 stór egg
125 ml olía
120 g smjör (brætt)
60 ml appelsínusafi
2 tsk vanilludropar
100-150 g súkkulaði – brytjað
Aðferð: Ofninn hitaður að 170 gráðum
- Pekanhentunum er sáldrað yfir smurt bökunarmót
- 2 msk af hveiti, 50 g sykur og kanillinn sett saman í skál. Eplaskífunum blandað saman við.
- Restin af hveitinu og sykrinum sett saman í aðra skál ásamt lyftidufti og salti. Eggjum, olíu, smjöri, appelsínusafa og vanilludropum blandað saman við og hrært vel.
- Helmingnum af deiginu er hellt yfir mótið, yfir pekanhneturnar. Eplaskífurnar og súkkulaðidroparnir sett yfir. Restinni af deiginu er hellt yfir og eplaskífunum raðað ofan á og á hliðarnar.
- Kakan er bökuð í ca. 1 klst og 20 mínútur við 170 gráða hita.
