Skellti mér á bókarkynningu Evu Laufeyjar sem haldin var í Eymundson á Akranesi en hún var að halda upp á útgáfu uppskriftabókar sinnar Matargleði Evu.
Mikið sem ég held upp á þessa stelpu. Finnst mikið til hennar koma hvort sem hún er að elda eða baka.
Eva Laufey hefur eins og margir vita getið sér gott orðspor sem matarbloggari og sjónvarpskokkur. Hún leggur mikið upp úr því í að bjóða upp á girnilegar en jafnframt gómsætar veitingar. Henni tekst vel til með það í bókinni sinni.
Hér er hægt að kíkja á bloggið hennar:
Ég mæli svo sannarlega með bókinni. Hreint æðisleg í alla staði, uppskriftirnar vel uppsettar, ljósmyndirnar í bókinni eru sérlega vel heppnaðar og það sem skiptir mestu máli að uppskriftirnar eru við allra hæfi – svo girnilegar að mann langar strax til að hefjast handa við að reiða fram góðgætið.
Frábær jólagjöf til þeirra sem elska ljúffengan mat og gómsætar kökur.
Það þurfti ekki að spyrja að því – veitingar á hverju strái
Bókin er öll hin glæsilegasta – frábær frumraun hjá Evu Laufeyju
Hver blaðsíðan á fætur annarri fangar augað – frábær ljósmyndari hún Eva.
Og auðvitað keypti ég bókina og lét árita. Finnst skemmtilegt hvað við Eva eigum margt sameiginlegt. Höfum verið nágrannar í nokkurn tíma en fram að þessu hefur hún búið ská á móti mér, elskum gómsætan mat og kökur og svo eigum við afmæli sama dag. Sniðugt það.
Elska svona góðgæti
Fullt af flottu fólki mætti í útgáfuteitið. Hér eru Tinna Ósk frá Smáprenti og Gurrí Har aðstoðarritstjóri Vikunnar.
Fullt af flottum gestum sem mættu
Flottar vinkonur hennar Evu.
