Síðan ég fór á útgáfutónleika hjá hljómsveitinni My Sweet Baklava hef ég verið að hugsa um góðgætið Baklava en það er vinsæll eftirréttur í mið-austurlöndum.
Tónleikarnir voru vægast sagt yndislegir, hvert lagið öðru betra. Söngkonan Valgerður hefur svo sannarlega himneska rödd og er unun að hlusta á hana. Ekki skemmir fyrir að bróðir minn spilar með hljómsveitinni.
Eftir tónleikana fór ég heim og gat ekki hægt að hugsa um þessa Baklövu, hvernig stóð á því að ég hafði ekki heyrt um hana. Ég fór í uppskriftabækurnar mínar og vildi svo skemmtilega til að í nýjustu bókinni sem ég keypti mér um daginn var ein voða heillandi uppskrift.
Ég fór full tilhlökkunnar inn í eldhús og dró fram það hráefni sem átti að fara í kökuna, pastasíuhnetur, peaknhnetur o.s.frv. Hráefnið lofar góðu en þegar kom að filodeiginu þá stóð ég á gati. Það er víst best að kaupa það tilbúið út úr búð miðað við það sem ég las á netinu,getur verið snúið að gera það sjálfur.
Ég læt uppskriftina fylgja fyrir þá sem eiga allt hráefnið 🙂
Súkkulaði Baklava
12 plötur af filo deigi (fæst í Hagkaup) en einnig hægt að gera líka sjálfur.
250 g pistasíuhnetur
200 g valhnetur
100 g peakanhnetur
6 kardomommubaunir, hægt að nota ca. 1/2 tsk krydd.
160 g Nutella súkkulaði
175 g smjör
Sírópið:
300 g sykur
1- 2 msk Rósavatn
Aðferð:
Fyllingin er búin til með því að blanda öllum hnetunum og kardimommunum saman í matvinnsluvél þar til hráefnin eru orðin mjög smátt skorið en þó ekki alveg í duftformi. Setjið í aðra skál og blandið Nutella súkkulaðinu vel saman við.
Smjörið er brætt. Borið á brúnir formsins. Síðan er ein plata af deiginu sett á botninn og smjörið borið hana, önnur plata sett yfir, smjör borið á og síðan koll af kolli þar til þið eruð búin að setja 6 plötur af deiginu.
Þegar þú hefur lokið við þetta er blandan sett yfir (hneturnar, kardimommurnar og Nutella súkkulaði)
Nú er tími til kominn að undirbúa það sem fer ofan á “baklövuna” (skrýtið að beygja þetta en læt það gossa). Þú setur aftur 6 lög af deiginu með smjörið á milli þar til þú hefur klárað allr 12 plöturnar. Endaðu með því að setja smjör yfir síðasta lagið.
Á þessi stigi er mjög gott að skera í blönduna, tíglalag er fínt, þannig er betra að skera hana þegar hún er bín að bakast.
Setjið blönduna í ofninn og bakið í ca. 20 mínútur við 180 gráða hita, síðan í aðrar 30- 40 mínútur við lægr hita, 150 gráður.
Meðan beðið er eftir að blandan bakist er sírópið búið til.
Sírópið er búið til þannig að sykurinn er leystur upp í 275 ml af heitu vatni ásamt rósarvatni. Hrærið stöðugt í þar til það sýður. Passið upp á að sykurinn brenni ekki. Kælið síðan.
Þegar blandan hefur bakast er hún aftur skorin og sírópið helt yfir hvern tígul. Látið standa í nokkra tíma.
