Þessi terta er dámsamleg – einföld og svo góð á bragðið. Hvet ykkur til að prófa
Hægt er að sjá myndband af kökunni á facebooksíðu okkar: mommur.is
Uppskrift: Kakan er samsett úr tveimur gerðum af botnum ásamt rjómafyllingu
Döðlusvampbotn (1 botn)
100 g púðursykur
2 stk egg
100 g döðlur – brytjaðar smátt
50 g súkkulaði-brytjað smátt
65 g hveiti
Aðferð: Sykri og eggjum hrært vel saman. Hveitinu blandað varlega saman við eggjablönduna ásamt döðlunum og súkkulaðinu. Sett í smurt mót ca. 23 cm- einnig með bökunarpappír og bakað við 180°C í 10-15 mínútur.
Döðlugottbotn (1 botn)
200 g döðlur – brytjað niður
125 g smjör
60 g púðursykur
50 g Rice Krispies
100 g rjómasúkkulaði brætt og hellt yfir.
Skraut:
Nóa Síríus lakkrískurl/karamellukurl
Aðferð:
Döðlur, smjör og púðursykur brætt saman í potti við miðlungshita. Rice Krispies síðan blandað saman við. Blandan er sett í mót (gott að setja smjörpappír undir og spreyjað með olíu). Súkkulaðinu er hellt yfir og kakan kæld í íssáp í ca 1 klst.
Fylling:
1/2 l. rjómi – þeyttur
10 stk jarðarber
10-20 stk bláber
Aðferð:
Rjóminn þeyttur, jarðarberin og bláberin skorin smátt og blandað varlega saman við rjómann.
Samsetning á kökunni:
Döðlusvampbotninn settur neðst. Rjómablandan sett ofan á og döðlugottbotninn þar yfir. Kakan er skreytt með jarðarberjum og bláberjum.
