Ástríðufull rúlluterta

IMG_7666-1

Öll sú ástríða sem við bjuggum yfir í dag var lögð í þessa elsku. Rúlluterta með hjartamunstri.

Sáum þessa hugmynd á erlendri síðu og ákváðum að prófa.

Endalausir möguleikar og munstrið að sjálfsögðu ekki heilagt. Getur leikið þér að gera hana eins og þér hentar.

Uppskrift:

Ganache fylling (Gott að byrja á þessu og hræra blönduna síðan þegar kakan er komin í ofninn)

150 g rjómasúkkulaði

1 bolli rjómi

2 1/2 l rjómi sem er þeyttur til að smyrja á kökuna undir súkkulaðiganashið.

Aðferð:

Rjómi hitaður að suðu og hellt yfir súkkulaðið sem sett hefur verið í skál. Kælt. Síðan sett í hrærivélaskál og hrært þar til það er orðið að rjómakremi. Passa að hræra ekki of lengi þá getur þetta orðið að smjöri.

Þegar búið er að bræða súkkulaðið í rjómanum er hægt að byrja á deiginu sjálfu.

Munsturdeig

1 stk eggjahvíta

30 g flórsykur

40 g hveiti

20 g linað smjör

gelmatarlitur

Aðferð:

Eggjahvítan piskuð smá stund, flórsykri bætt saman við og hrært vel saman, síðan hveiti hrært saman við og linað smjör. Þetta er hrært vel saman með piskara. Matarlit bætt út í, ef gera á tvo liti þarf að skipta deiginu svo hægt sé að lita tvo liti.

Munstrið sem nota á er sett undir bökunarpappírinn og deigið sett í sprautupoka með mjög frekar fínum stút og spautað á bökurnarpappírinn eftir munstrinu. Nóg að gera munstur í c.a. hálfa ofnskúffuna. Því restin rúllast inn í miðjuna á rúllurtertunni.

Þetta er sett í frysti ásamt ofnskúffunni sem baka á i.

Hjartamunstrið var prentað á blað – munstrið fundið á netinu. Síðan munstrið sprautað eins og sést hér á myndinni.

Kakan

3 stk egg

125 g sykur

75 g hveiti

20 g kakó

1/2 tsk lyftiduft

60 g brætt smjör

Aðferð:

Egg og sykur þeytt létt og ljóst. Þurrefni og smjör bætt saman við og hrært varlega saman.

Deigið er sett varlega yfir deigmunstrið í ofnskúffunni þegar deigmunstrið er orðið nægilega frosið þannig að það hreyfist ekki.

Bakað við 175 í c.a 15 – 18 mín.

Kakan tekin út og hvolft á bökunarpappír sem settur hefur verið smá sykur á.og bökunarpappírinn tekinn varlega af munstrinu. Kökunni síðan hvolft aftur og rúlluð upp með bökunarpappírnum meðan kakan er heit og þá er þetta munsturlausa rúllað inn fyrst. Þetta er kælt smá stund.

Gott að rúlla tertunni upp með smjörpappír til að kæla hana.

Gott að hafa þeytta rjómann og ganache-ið tilbúið svo hægt sé að setja á kökuna um leið og hún er orðin nægilega köld. Síðan er þeyttur rjómi settur yfir tertuna og ganache-ið smurt varlega yfir rjómann (má líka setja ganashið á undan og rjómann yfir það) Nokkur jarðarber skorin í bita og raðað á þeim megin sem fer inn að miðju. Þessu er síðan rúllað varlega upp þannig að munstrið snúi upp og sárið niður.

IMG_7599A IMG_7600A Hér er búið að setja þeyttan rjóma, Ganache-ið og jaraðrberin. Athugið að Ganache-ið sé ekki þeytt of mikið, á að vera auðvelt að smyrja því yfir. Hér á myndunum er það aðeins of mikið þeytt -kom þó ekki að sök.