Það er gaman að breyta til og gera eitthvað sætt og skemmtilegt með börnunum. Hér kemur skemmtileg hugmynd að jólapopppi með rauðri karamelluhúð.
Uppskrift:
1 skál popp (búið að poppa). Væri hægt að nota popp úr pokum.
300 g sykur
125 g glúkósi eða ljóst síróp (glúkósi fæst í Hagkaup)
2 msk smjör
¼ tsk cream of tartar (gerir blönduna kremaðri)
¼ tsk vanilludropar
1 tsk matarsódi
Rauður matarlitur (ca. 1/8 úr teskeið).
Aðferð:
Poppið poppkorn eða kaupið tilbúið í pokum. Setjið poppið í skál.
Bræðið smjörið á pönnu og bætið sykrinum, sírópi, cream of tartar saman við. Hækkið hitann á miðlungshita og bíðið eftir að blandan fari að sjóða. Hrærið stöðugt í á meðan. Um leið og blandan sýður er matarlitnum bætt saman við. Látið sjóða í 5 mínútur. Fjarlægið pönnuna frá hitanum og bætið vanilludropum og matarsóda varlega saman við. Hrærið í og hellið blöndunni síðan yfir poppið. Hrærið varlega í. Blandan er sett í ofnskúffu og hituð í 1 klst við 90°hita. Hrærið í blöndinni á 15 mínútna fresti.
