Kökuárið 2013 hefur verið magnað – margt og mikið brallað og ýmsar skemmtilegar uppskriftir litið dagsins ljós.
Svo mikið var að gera hjá okkur í mömmur.is að helmingur þeirra hugmynda sem unnar voru komust aldrei inn á netið – tímaleysi þar um að kenna.
Það voru ýmis tímamót sem komu sterkt inn á árinu og höfðu áhrif á okkur. Má þar nefna:
Við hættum með vefverslunina okkar fyrr í sumar og fást nú allar vörurnar í versluninni Allt í köku.
Við gerðum margar hugmyndir fyrir Tímaritið Vikuna og mun Kökublaðið 2013 líklega standa upp úr. Alltaf gaman að gera fallegar hugmyndir sem fólk getur síðan nýtt sér.
Bollakökur sem við gerðum fyrir stuttmynd voru festar á filmu – hlakka til að sjá hvernig þær komu út í myndinni, spiluðu þar stórt hlutverk.
En það sem stóð upp úr er aðkoma mín, Hjördísar að auglýsingum fyrir Betty Crocker á Íslandi. Ótrúlega magnað að fá að taka þátt í verkefni sem þessu – leika í auglýsingu, kynna vörurnar og gera skemmtilega hluti með þessar frábæru vörur. Hlakka til framhaldsins á árinu 2014. Fleiri auglýsingar eiga eftir að líta dagsins ljós.
Hér ætla ég að lista fyrir ykkur nokkrar gómsætar hugmyndir sem slógu í gegn
Láta lítið yfir sér en eru dásamlega góðar.
4. Daim marengsterta með bláberjum og jarðarberjum
5. Örbylgjukaka bökuð á 5 mínútum – slóg rækilega í gegn á árinu
6. Döðlukaka með pekanhnetukaramellum
7. Hraunbita kirsuberja ostakaka – það má segja að þetta hafi verið vinsælasta kakan á mömmur.is en hún fékk mörg like á facebook.
8. Brauðréttur sem bragð er af
9. Lord of the rings sykurmassaterta
10. Fyrsta brúðartertan sem við gerðum á vel heima í þessum pistli
Þá er árið á enda – við viljum þakka ykkur fyrir áhorfið á síðuna okkar og ég get lofið ykkur því að við komum sterkar inn í nýtt ár.
Gleðilegt nýtt kökuár
