Ég er mikil bollukona en vatnsdeigsbollurnar hafa lengi verið mínar uppáhalds þó gerdeigsbollurnar eru alltaf að skríða ofar og ofar á vinsældalistann hjá mér.

Mér finnst gaman að prófa eitthvað nýtt á hverjum bolludegi þó ég ríghaldi í hefðina þar sem sulta, þeyttur rjómi og súkkulaðikrem spila stórt hlutverk.

Hér er búið að breyta uppáhalds vatnsdeigsbolluuppskriftinni örlítið en þó sést mikill munur þar sem liturinn hefur breyst.  Mæli með að þið prófið þessar.

Það skiptir miklu máli að fylgja uppskriftinni og halda hlutföllum á hráefninum sem talin eru upp.

Fínt að bræða smjörið áður en vatninu er hellt saman við.

Hita síðan smjörið og vatnið að suðu og taka þá pottin af. Hveitinu er þá hellt saman við ásamt salti .

  

Síðan þarf að passa vel upp á að deigið sé ekki of heitt þegar eggin eru þeytt saman við. Þá er besta ráðið (sem mér finnst) að skella deiginu

í hrærivélaskálina og leyfa henni að þeyta hitann úr)

Þessi gerir allt betra… Að lokum er kakóinu blandað varlega saman við.

Gaman að prófa eitthvað nýtt t.d. eins og að mylja Oreokexi yfir deigið.

Heppnuðust vel þessar elskur.

Jarðarberjasulta, jarðarber, rjómi, bláber og Oreokexmulningur. Alveg dásamlega gott.

Njótið mín kæru!