Það má með sanni segja að það sé löngu orðið tímabært að koma með færslu hér á mömmur.is. Fyrsta færslan í langan tíma er hjartakaka sem er einföld í framkvæmd en engu að síður mjög bragðgóð. Kökur eru mitt hjartansmál og því fínt að byrja eftir langt hlé á þessari fallegu köku.
Þessi hjartalaga kaka hentar við ýmis tilefni, koma elskunni sinni á óvart, í barnaafmæli, skvísuboð eð fermingarveisluna. Nú er bara að finna tilefnið og skella í köku.
Uppskrift:
2 pakkar Betty Crocker súkkulaðikökumix
6 egg
180 g ISO4 olía
500 ml vatn.
Aðferð:
Öllu blandað saman í skál, hrært vel saman og sett í smurt form. Hér er notað hjartalagaform en einnig hægt að setja deigið í ofnskúffumót og skera kökuna út eftir á. Kakan er bökuð í ca. 40 mínútur við 180°C hita.
Smjörkrem
500 g smjör
400 g Dan Sukker flórsykur
1 stk eggjarauða
1 tsk vanilludropar
1 msk síróp
Bleikur matarlitur
Aðferð:
Þeytið saman smjöri og flórsykri þar til það verður létt og ljóst, hrærið síðan eggjarauðunni saman við. Að lokum eru vanilludropar og síróp sett út í. Hrært vel saman í 1 – 2 mín.
Til að skreyta kökuna þarf að nota stjörnustútinn 1M. Byrja í miðjunni á rósinni og fara í hringi þar til rós hefur myndast.
Skoðanir: