Skoða

Grillaðar pestó brauðstangir

Brauðstangir með pestói

-samstarf-

Brauðstangir eru fullkomnar á grillið og henta vel með hvers kyns mat. Það er mjög einfalt að búa til þessar ljúffengu pestó brauðstangir. 

Brauðstangir með grænu pestói.

Uppskrift:

  • 400 g tilbúið brauðdeig eða heimagert
  • 1 krukka Sacla grænt pestó
  • Sacla Olio hvítlauks olífuolía eftir smekk
  • Parmasanostur eftir smekk
  • 1/4 tsk salt

Aðferð:

  1. Byrjaðu á því að fletja út brauðdeig.
  2. Smyrðu  grænu pestói ofan á og sáldraða parmasanosti ofan á.
  3. Brjóttu deigið saman og flettu aðeins út. 
  4. Smyrðu deigið með hvítlauksolíu ofan á brauðið og sáldraða örlitlu salti yfir.
  5. Skerðu brauðið með pítsahníf í mjóar rendur. 
  6. Snúðu upp á hverja lengju og leggðu á bökunarpappír. 
  7. Smyrðu grænu pestói ofan á hverja lengju og sáldraðu parmasanosti yfir. 
  8. Grillaðu brauðstangirnar við miðlungshita í um 12 mínútur eða þar til þær eru bakaðar í gegn.

Brauðdeig

  • 300 ml volgt vatn
  • 12 g þurrger
  • 2 tsk sykur
  • 2 msk olía
  • 2 tsk salt
  • 500 g hveiti

Aðferð:

  1. Settu þurrger og sykur í volgt vatn, hrærðu og leyfðu að standa í um 10 mínútur.
  2. Bættu olíu saman við ásamt salti og hrærðu í. 
  3. Settu hveitið saman við og hnoðaðu vel í um 5 mínútur. 
  4. Leyfðu deiginu að lyfta sér í um 40 mínútur. 
Brauðdeigið er látið lyfta sér vel.
Grænt pestó og hvítlauks olífuolía passa einstaklega vel saman.
Grænu pestói er smurt yfir brauðdeigið og parmasanosti sáldrað yfir. Deigið er síðan brotið saman.
Brauðstangir
Deigið er skorið með pítsahnífi í mjúar ræmur og hvítlauks olífuolíu er smurt yfir það. Það vel hægt að gera stórar og litlar brauðstangir. Fer allt eftir því hvernig þær eru skornar.
Snúið er upp á hverja lengja og grænu pestóio smurt yfir og parmasanosti sáldrað yfir.
Brauðstangirnar eru settar á grillið en gott er að hafa grillið stillt á miðlungshita. Gott að loka grillinu í smá tíma til að brauðstangirnar bakist vel á grillinu.

Ég mæli með að þið kíkið á Insgram mömmur en þar er ég dugleg að sýna hvernig ég geri hinar ýmsar kræsingar.

Related Posts